Aad-Prinse

Prins-inwieje 2020:

Geplaatst op: 21-12-2019 door Jack Schattorie
 
Zo-es eder jaor mót ózze nuje prins natuurlik waere ingewiejd in alle geheime
en verrassinge van ’t prinssjap oppe Boekoel.
Det doon v’r weer daags nao de Prinsebal, dus zónjig 12 Jannewarie 2020.
Vanaaf 13.11 waert geur verwach aanwezig te zin in de kantine van v.v. Boekoel,
want ’t zooj sjoon zin es de prins ein werm welkom krieg.
Zorg det geur net zo wie veurig jaor toes get gegaete höbt want van ós krieg
geur de eerste tied nieks. Waal is ’t zaak det de nuje aje uch get geldj oet de tes
klop, zodet veur get te kloeke höbbe.
Om 4 oer mót ederein ziene jas zeuke en gaon veur nao ‘t Kwekkertepelies. Dao
is de meugelikheid óm get te aete.
Op alletwee de lokasies zólle veur weer zorge veur get invoudig entertainment
Zorg det geur d’r biej zit!!!
Toet den, A.P. Thijs I, A.P. Juul I en A.P. Bart I

4 x 11 PLEIN-FESTATIE

Geplaatst op: 05-11-2013 door Jack Schattorie

Volges mich weite de meiste Boekoelse miense ’t helemaol neet, det d’r vastelaoveszaoterdigmiddig ouch oppe Boekoel ein festasie is en waal biej ‘t 4 X 11 Plein. Jao, geur laest ’t good! 4 X 11 Plein- festasie, op ’t plein biej de Kwekkert. Neet allein in Remunj, Vènlo en Mesjtreech waerd d’r gefees, ouch oppe Boekoel is d’r ein festasie. Vanaaf 11 menute euver 3 kènt geur dao terech.

’t Biezónjere aan dees festasie is: doe moogs de drank en ‘t aete zelf mitbringe. Baeter gezag: doe mós de drank en ’t aete zelf mitbringe. Hiej kèns se den de vastelaovindj inloeje. Biej kaad waer waerd de vuurkorf gesjtaok en biej raegen haet ederein de paraplu biej zich. ’t Geit altied door en es se neet oetkieks, kèns se beheurlik ónger de ker kómme.

Mer de meiste miense zin versjtenjig, die weite det d’r saoves ouch nag get op ’t programma sjteit. Verder zeuke veur veur dees festasie nag sjponsors, zodet veur ouch artieste kènne laote optraeje. Miense die zich hiejtoe gerope veule, kènne zich melje biej de organizasie.

En waem wèt, mesjien gruit ’t ouch waal oet toet ein megafestasie.
Miense, toet vastelaoveszaoterdig op ‘t 4 X 11 Plein biej de Kwekkert!

AAD PRINSE vanne BOEKOEL.