Kuulköpkes
Jewell I
Geplaatst op: 17-01-2024 door Kim Vervoort
Jewell I nuuje jeugprinses (2023) KuulKöpkes
In eine volle Kuulköpkespool is Jewell I (Kirberg) oetgerope es 1e prinses vanne Kuulköpkes.
Jewell I is de 58e veurgenger van de jeugvastelaovindj oppe Boekoel. De vastelaovindj zit al van kleins af aan in zien blood. Biej Kiekeboe is ’t al op jonge laeftied prinses gewaes.
Jewell is 11 jaor en woont al zien ganse laeve oppe Boekoel. ‘t is dus de dochter van Dave en Julie Kirberg. In 't dagelijks laeve is ziene pap bookhaajer biej Autosjaajbedrief Peter Brouwers en regeert d’r noe euver ‘t Kwekkerteriek. De sjpreuk van ziene pap,
Kwekkerteprins Dave I ('T ken toch nog gekker!) klop wie ein bus. Wie sjoon, 2 hooghede in 1 femilie.
Zien mooder haet ein eige zaak oppe Boekoel es masseuse en sjoonheidsspecialiste. Jewell is ’t zuske van Isa en Rui*. In 't dagelijks laeve duit ‘t gaer danse, shoppe mit zien zus, en get
klommele oppe tillefoon.
Es adjudantes haet Jewell gekaoze veur Pien en Saar. Alle drie zitte ze in groep 8 op bazessjool St. Theresia oppe Boekoel.
Nao 't oetrope haet de dansgarde vanne Kuulköpkes Jewell nog getrakteerd op de nuuje dans van 2023. Normaal gespraoke dans prinses Jewell I en zien adjudante mit.
Jewell geit regere mit de sjpreuk:
"Mit de Kuulköp veurop gaon ich non-sjtop"
Jelle I
Geplaatst op: 22-09-2022 door Kim Vervoort
Jelle I, 57e jeugprins vanne Kuulköpkes
Nao een sjpetterend optraeje van de grote dansgarde van de Kuulköpkes is op zunjig 27 fibberwarie in eine bomvolle Kwekkertepool Jelle I (Beurskens) oetgerope es 57e jeugprins vanne Kuulköpkes.
Jelle is 12 jaor en woont al zien ganse laeve oppe Rao.
Hae is de zoon van Marcel Beurskens en Kelly Thomassen. De pap van Jelle is in zien dageliks laeve hovenier en zien mam kapster. Hae haet ein broor Thimo en ein zus Loïs waat biej de Hoeskwakers zit.
Jelle riejt in ‘t dageliks laeve gaer paerd, help opa mit in de paerdestal en zit gaer op de heftruck of traktor.
Jelle geit natuurlik neet allein de Kuulköpkes veurop, dit duit hae same mit zien twee adjudanten.
Emile Seegers en Stijn Crins. Allemaol zitte ze in groep 8 van bazessjool St. Theresia oppe Boekoel.
Nao ’t oetraope volgde d’r nog ein sjoon optraeje van de kleine dansgarde van de Kuulköpkes.
Jelle geit regere euver de Kuulköpkes, mit ziene sjpreuk: “Kórt en krachtig, waat is dit prachtig”
Boekoel Alaaf!
Bedankje Jeugprins Sten 1e
Geplaatst op: 26-02-2020 door Jack Schattorie
Leef Kuulköpkes, Kwekkerte, Hoeskwakers en anger vastelaovesvierders
Hiej sjtaon ich den op miene lètste aovindj, ‘t liek nag mer zo kórt geleje det mien eljers mich vertèlde det ich de 5e jubelejumprins vanne Kuulköpkes zo waere. Waat vónj ich det sjiek, ich kós ‘t bienao neet geluive.
En waat höb ich genaote van alles waat d’r op mien paad is gekómme, van ‘t inzinge van ‘t jubelejumleedje same mit mien adje Lynn, ‘t oetrope zelf, miene eige prinsesjlager inzinge mit mien adjes Lynn en Noa, ‘t prinsetreffe in Remunj, resepsie van prins Luc 1e, de sjleuteleuverdrach en ‘t super sjone jubelejumwiekend mit de reünie op zaoterdig en ‘t geweldige Kuulköpkes Got Talent op zónjig mit Teun Thissen es winnaar.....good gedaon Teun. En es klap op de vuurpiel höbbe veur noe ouch eine eige Kuulköpkespool biej de Sjpik, wie sjiek is det. En d’r waas nag väöl en väöl meer, ‘t waas super sjoon, kej sjiek en vet gaaf, eine tied óm noojt meer te vergaete.
‘t Waas waal jaomer det de optoch neet door kós gaon in verbandj mit ‘t sjlechte waer. Mer veiligheid geit veurop en noe höb ich same mit Prins Luc 1e en Prins Nills 1e geweun nag eine daag ekstra óm te feeste. Prins Luc en Prins Nills waat höbbe veur d’r ein sjoon fees van gemaak in dit jubelejumjaor. Ich vónj ‘t super sjiek óm dit same mit uch te moge belaeve....Dank hiej veur. Prins Luc en ich höbbe get waordsjpelinge gehad euver Baove en Beneje Boukoul en euver “wo det feesje waas”, mer eigelik höbbe veur mit zien alle d’r ein sjoon feesje van gemaak: Ich same mit mien Adjes Lynn en Noa, Vors Ruben, de Raod, de Dansgarde, Prins Luc mit zien Adjes, Prins Nills mit zien Adjes, Vors Björn, Prins Siem (Voorn) van de Herman Broerensjool Remunj, de Kwekkerte, de Aad Prinse, de Hoeskwakers, de Prinsekepel en alle anger vastelaovesvierders. Det waas super sjoon óm te zeen, èlke aovindj weer.
Toch wil ich ein paar miense sjpesiaal bedanke, zónger angere tekórt te doon; Alle Aadprinse die altied klaor sjtaon en alles veur de Kuulköpkes regele, Jack ich vónj ‘t jaomer det geur d’r dit jaor neet altied kós zin, Dionne, Evelien en Ron veur ‘t make van ‘t 5x11 jubelejumleedje en Guido veur de video hiej biej, Nicole veur ‘t make van miene eige prinsesjlager, mien Adjes Noa en Lynn same höbbe veur d’r eine sjone tied van gemaak en es lètste wil ich mien eljers bedanke veur alles waat geur veur mich höb gedaon.....Super Bedank!!!!
Noe höb ich genóg gekalt......dit waas ‘t den.......bedank allemaol! Ich sjloet aaf mit miene sjpreuk...
Kuulköpkes 5x 11 feeste geit vanzelf, Boukoul Alaaf