't Kwekkerte nuujs vanne Boekoel!
Jewell I nuuje jeugprinses KuulKöpkes
Geplaatst op: 16-01-2023 door Kim Vervoort
In eine volle Kuulköpkespool is Jewell I (Kirberg) oetgerope es 1e prinses vanne Kuulköpkes.
Jewell I is de 58e veurgenger van de jeugvastelaovindj oppe Boekoel. De vastelaovindj zit al van kleins af aan in zien blood. Biej Kiekeboe is ’t al op jonge laeftied prinses gewaes.
Jewell is 11 jaor en woont al zien ganse laeve oppe Boekoel. ‘t is dus de dochter van Dave en Julie Kirberg. In 't dagelijks laeve is ziene pap bookhaajer biej Autosjaajbedrief Peter Brouwers en regeert d’r noe euver ‘t Kwekkerteriek. De sjpreuk van ziene pap,
Kwekkerteprins Dave I ('T ken toch nog gekker!) klop wie ein bus. Wie sjoon, 2 hooghede in 1 femilie.
Zien mooder haet ein eige zaak oppe Boekoel es masseuse en sjoonheidsspecialiste. Jewell is ’t zuske van Isa en Rui*. In 't dagelijks laeve duit ‘t gaer danse, shoppe mit zien zus, en get
klommele oppe tillefoon.
Es adjudantes haet Jewell gekaoze veur Pien en Saar. Alle drie zitte ze in groep 8 op bazessjool St. Theresia oppe Boekoel.
Nao 't oetrope haet de dansgarde vanne Kuulköpkes Jewell nog getrakteerd op de nuuje dans van 2023. Normaal gespraoke dans prinses Jewell I en zien adjudante mit.
Jewell geit regere mit de sjpreuk:
"Mit de Kuulköp veurop gaon ich non-sjtop"
Dave I
Geplaatst op: 07-01-2023 door Kim Vervoort
Nao drie jaor zjwiege is eindelik ZDH Dave I (Kirberg) oetgerope biej de Kwekkerte Boekoel.
Zo-es ouch in zienne prinse sjlager gezónge waert “waem had det den noe gedach” Waem haaj det ooit kènne dinke det v’r 2 jaor geinne nuuje prins kóste oetrope. Haopelik likt det hoofsjtök noe definitief achter ós en kènne v’r ózze geleefde vastelaovindj weer viere zo-es veur det gewènd zin.
Tiedes de prinsebal waerde eers aafsjied genaome van Prins Luc I. Luc en zien adjudante Roy en Ron woje van gein wieke weite en ziej höbbe ós altied gesjteund in de corona jaore. Zie zagte altied veur traeje aaf op de zelfde meneer es al häör veurgengers, al doerde det biej Luc waal get langer den normaal! Nag èns ózze dank dao veur!
Nao eine intro in ‘t thema van dit jaor sjebbetig sjoon, kwoom Prins Dave I nao veure en hae haet d’r dudelik zin in. Hae haolde heel sjnel zien adjudante nao baove toe! Nemes minder es zien broor Alex Kirberg en gooje vrundj Marcel Beurskens. 3 jaor lank höbbe zie dit mótte verzjwiege, mer noe is ’t zo wied!
Dave is getrouwd mit Julie, en hae haet 2 dochters: Jewell en Isa. De kos verdeent hae biej autosjaaj-bedrief Peter Brouwers. Hie duit hae de bookhaajing van diverze bedrieve van Peter.
In de vrieje tied probeert hae nag ‘ns aventoe ‘n belke te trappe bie V.V. Boekoel en sjteut hae nag waal ‘ns gaer mit ‘n keu taenge de biljartbel. De naodrök lik hiej op probere zaet d’r zelf.
Dit vastelaovessezoen gaon ze veurop mit de sjpreuk
’t Ken toch nog gekker!
Veur neuje uch heel gaer hiej veur oet!
Geur kómp toch ouch?
Geplaatst op: 27-12-2022 door Inge Strolenberg
