't Kwekkerte nuujs vanne Boekoel!
Kaartverkoup jubelejumaovindj
Geplaatst op: 04-01-2014 door Björn Eggels
De leeje van CV de Kwekkerte merke det der get onduudelijkheid is euver de verkoup van de kaertjes veur 't jubelejumfees.
CV de Kwekkerte organiseert dit fees ter ere van 't 6x11 jaorig besjtaon van de vereniging. Helaas is der bie ein aantal luuj van Boekoel en omsjtreeke verwarring ontsjtange euver 't feit det eerder is gecommuniceerd, door de organisatie van 't LKZH, det 't unne afterparty zouw zin veur alle vriejwilligers die hubbe gewerk tiedens 't LKZH. Dit is echter neet zo en veur wille uch bie deze informere det de kaertjes veur dit fees gekoch kinne waere veur mer 2,50 Euro per sjtuk. Dit kin allein in de veurverkoup dus bun der sjnel bie!
Names CV de Kwekkerte ozze welgemeinde excuses veur 't ongemak en veur haope uch allemaol te zeen op 18 jannewari zodet veur same mit uch os jubelejum mooge viere!
Jubelejumaovindj
Geplaatst op: 18-11-2013 door Kim Vervoort
’t Eerste kaertje veur ózze jubelejumaovindj is aafgeloupe zaoterdig door Prins Sjoerd I verkòch aan Besjermvrouw Tila. Naodet heel get luuj ’n bedraag gebaoje haaje op ’t kaertje, booj Tila oeteindelik €66,- en daomit is zie de gelökkige eigenares gewaore van ’t allereerste entreekaertje.
Boete de €660,- die geur kènt winne door uch es sjoonste te verkleije aan de handj van 't thema, maak geur ouch nag èns kans op twee anger prieze, €111,11 ter besjikking gesjteld door Benly en 'n kedobon ter waarde van €100,- te besteeje biej Albert Heijn in Zjwame.
D’r zin nag ’n deil kaertjes te koup, mer bön d’r sjnel biej want, vól is vól!
Nuuj sezoen, nuuj websait!
Geplaatst op: 06-11-2013 door Kim Vervoort
Aan de veuraovindj van ‘t 6x11 jubelejumsezoen, wille veur uch ten eerste van herte welkóm heite op ós nuuje websait. ’n Sait die gemaak is veur uch, en ouch ’n bietje veur ós, mer veural veur uch zodet geur beveurbeeld op zónjigmorge de foto’s van de aafgeloupe zaoterdigaovindj al kènt bekieke, of det geur ins kènt kieke nao det programma wo al die aktiviteite op sjtaon die nemes wilt misse.
En die neet te misse aktiviteite die höbbe veur heel väöl, es geur nao ’t ongerdeil programma gaot kènt geur die ins röstig bekieke, mer bedink uch veural det al die middige en aovindje altied leuk zin veur kleine miense, grote miense, aaje miense en jónge miense. Kortóm veur idderein!
Dit sezoen besjtaon veur 6x11 jaor, en ómdet se mer eine keer 6x11 jaor besjteis, wille veur det same mit uch viere. En waal op 18 jannewarie 2014, inne Kwekkertepool. Deze aovindj, wo de entreepries €2,50 is, waert de meziek verzorg door Wir Sind Spitze en de winnaar van ’t LKZH 2013. En es of det nag neet genóg is maak geur deze aovindj ouch nag ins kans op €660,-
Om dit geldbedraag te winne mót geur zórge, det geur mit eine groep van 4 of meer persone, ’t sjoonste ’t thema van deze aovindj oetbeeld.
’t thema veur deze aovindj is; 6x11 jaor vastelaovindj, 1948 toet 2014!
Kaarte allein verkriegbaar in de veurverkoup.
Veur winse uch väöl plezeer op ós nuuj websait, en haope uch dit sezoen nag döks taege te kómme biej diverze aktiviteite.
C.V. de Kwekkerte Boekoel