't Kwekkerte nuujs vanne Boekoel!

Leje van verdeenste

Geplaatst op: 02-02-2014 door Kim Vervoort

Aafgeloupe zónjig tiedes ós drök bezóchte jubelejumresepsie zin aad-vors Har Lintjens en aad-veurzitter Har Thomassen oetgerope es lid van verdeenste van de kwekkerte.

Har en Har woore in de jaore, det ze as lid van de raod en 't Db, es veurzitter en Vors, van de 11de van de 11de  toet asgoonsdig drök in de weer mit 't organisere van de vastelaovindj oppe boekoel, in het loupende jaor de puntjes op de i zitte en ouch weer veur 't volgende jaor alles te organisere.
Kleine Har mit baard, altied aanwezig, alles in de hanj höbbend, de rös zelf. En daonaeve mit dieke trom aan het sjlaon as de prinsekepel speelde.
Grote Har de Vors, altied biej de Prins in de buurt, fluitend op de meziek van de prinsekepel en mitbewaegend mit de vinger.

Dees persone woore de vastelaovindj oppe Boekoel.

Ouch de dames van bovengeneumde here woore aktief veur de vereiniging, Will maakte de nuuje blauwe garde pekskes en repareerde dao wo neudig diverze raod van ellef jasse. Draod en naoldj altied aanwezig om sjnel get te repareren. Marity lètte mit op det de here van de raod zich netjes gedrooge en waas de sjteun en toe verlaot van Har Lintjens.
Ouch de res van de femilie waerde mit in de vastelaovindj gesjleurt es gardemaedjes.

Veur zin trots det dees heren ongerdeil höbbe oetgemaak van cv de Kwekkerte.

Ere-Lid Sef van Buggenum

Geplaatst op: 19-01-2014 door Wil aan de Boom

Totaal onverwachs krege veur te heure det ós Ere-lid (1984) en Aad-Prins (1957) Sef II van Buggenum is euverleje. Nao ein jaor lank geregeerd te höbbe euver de kwekkerte mit es motto "Laot ze rolle" haet d'r ouch nao zien aftraeje, altied väöl beteikent veur de vastelaovindj oppe Boekoel, es lid van de raod van ellef, Vors, prinsekemmissie, sjriever biej vastlaovesgezet "de kwekkert" en es medeoprichter van de prinsekepel en penningmeister van de kuulköpkes.

Eine Boekoelse miens mit ein groot vastelaoveshert. Veur zolle hem misse.

Veur winse zien vrouw Trees en kinjer en kleinkinjer heel väöl sjterkte toe om dit enorme verlees te drage.

C.V. De kwekkerte Boekoel, Aad-Prinse, Prinsekepel en Kuulköpkes

Jubelejumprins ZDH ROEL I (Peeters)

Geplaatst op: 12-01-2014 door Björn Eggels

Roel Peeters jubelejumprins bie 6x11 jaorig CV De Kwekkerte Boekoel

Aafgeloupe zaoterdig waerde in eine boem volle Kwekkertepool Roel 1 ste geprezenteerd es 65ste prins vanne Kwekkerte. Es ein komplete verrassing kwaam der oet ein geweldige jubelejumtaart gesjprónge en ’t waas geliek duudelik det der der helemaol klaor veur waas om de ker te gaon trekke mitte vastelaovindj! Dit geit der doon same mit zien vriendin Ilse en dochtertje Yfke en zien 2 adjudanten aadprins Ton Simons en aad vader Aar Koen Maessen womit d’r same bie kaartklup ‘’Sjerp Gesjut’’ zit. En volgens os ouch allein mer óm nao de kroeg te kinne gaon mer óf der überhaupt ooit auch ech gekaart is weite ver nog altied neet…

Prins Roel 1ste zal dit jaor veurgaon mit zienne sjpreuk:

Veur gaon d'r veur!!

 

Vanaaf vastelaovind 2011 wone ze oppe Boekoel en nao dit sezoen zal ‘t allein nog mer baeter bevalle! Veur ’t geldkiske te sjpekke wirk der bie Océ in Venlo wo der een functie haet mit eine hele lestige naam en ein nog lestigere taak. Mer hae mot de cieferkes van versjillende Océ aafdeilingen rech sjtrieke veur ze nao de grote baas Canon gaon op de aafdeiling PPP Controlling. Ich bedoel maar..!

Es hobby haet der meziek gemaak bie kepotmaekerie, gevoetbald en getennis. mer ein ech succes waas ‘t allemaol neet. Vanaaf det der oppe Boekoel woont haet der waal een nuuj hobby! Tuinman! Omdet der väöl te väöl tuin haet..

Wilt ger zeen wie der draan geit kom den kómmende zaoterdig 18 janewarie nao ózze jubelejumaovindj mit o.a. ‘’Wir Sind Spitze’’

Wilt geur ózze prins ein hendje komme gaeve den zit geur bie deze van herte oetgeneudigd op zien eige Prinseresepsie op zonjig 23 fibberwarie vanaaf 14.44 oer.

't Winnende läötje van 't prins raoje is blauw, nummer 440. De pries is aaf te haole biej Tom Claessen, Baove Boekoel 36.

 

Vastelaovindj same,

CV De Kwekkerte Boekoel