Kuulköpkes

2018 Job 1e (Balendonck) Kuulköpkesprins

Geplaatst op: 13-01-2018 door Jack Schattorie

Leef miense,

Hiej sjtaon ich den, jeugprins Job 1e van de Kuulköpkes.

Ich woon oppe Rao mit mien pap en mam, mien zus Dana (aad Hoeskwakers prinses) en Venna (aad Schoolprinses). Vastelaovindj viere daon veur gaer.

Es klein menke rende ich hiej al róndj in mien prinse pekske. Mer zo es Jarno zóng in zien leedje: “waal gehaop, mer noojt gedach” .

Ich vinj ‘t super gaaf mer ouch sjpannend det ich jeugprins vanne Boekoel moog zin. Gelökkig höb ich twee adjudante die mich euveral zólle biesjtaon.

Miene eerste adjudant is eine echte vrundj wo ich gaer mit daon foetballe en game. Miene adjudant is Jurg (Vintcent). Miene tweede adjudant is mien zus Venna.

Ich zal vanaaf vandaag mien bès daon óm plat te kalle. En daoróm miene sjpreuk:

NEET HOLLANDS LALLE, MER PLAT KALLE

Boekoel Alaaf

Kuulköpkes top 11: 2016

Geplaatst op: 03-11-2015 door Jack Schattorie

Dit jaor, veur de derde keer, waerd de nuuj vastelaoves top 11 gepresenteerd door os eige jeugprins op vastelaoves maondig. Kin de disko zich der eine drinke. De top 11 waas veurig jaor kompleet angers den det jaor derveur. Waat vonj de jeug veurig jaor sjoon vastelaoves plaetjes:


1. Disco Pogo – Die Alzen
2. Danse pauze – Vleisboeket
3. Gummiball – Dieter Koblenz
4. Neet Allein – Vleisboeket
5. Ein dingk – Vleisboeket
6. Frozen – Let it go SY3D Bootleg
7. Pirate – Big Benny
8. Knoflooksaus – Ron van richting Roy
9. Hakke Takke – Jacky en Fabrizio
10. Halve liters beer – Shakin Dj’s Ft.Anderkovver
11. Bats & Bille – Ron van richting Roy

Nuuj Dansgarde Kuulköpkes Boekoel

Geplaatst op: 27-01-2013 door Jack Schattorie

Dankzij de geweldige sjponsoring van www.bbqfees.nl , geur weit waal die Zjwamer jonges waat al die gooje doele in Zjwame en Boekoel helpe, höbbe de Kuulköpkes Boekoel dit jaor eine echte primeur: ein echte dansgarde!!!!

Aafgeloupe augustus ontvinge de Kuulköpkes oet henj van Ruud names “de vrienden goede doelen” eine supervette cheque.
Oppe Boekoel waas men van meining det zoget zorgvuldig geïnvesteerd mot waere en wie Dionne en Evelien mit ’t idee kwome veur ein Dansgarde waas ’t besjloet sjnel genaome.

In November zin ze al begonne mit oefene, 10 Boekoelse maedjes in de laeftied van 5 toet 9 jaor.
Pekskes waerde aangesjaf en waekeliks flink geoefend.

Aafgeloupe vriedig haaj de BSO  in Zjwame de primeur op häöre carnavalsaovindj.
Aansjloetend ginge de maedjes wie echte artieste drèk door nao häör volgend optraeje biej VV Boekoel.

Zaoterdigs volgde eine climax, nl häör eige Kuulköpkes Prinsebal, wo prins Dick I (Clumpkens) teveursjien kwaam es nuuje veurgenger.

Biej deze wille veur es Kuulköpkes de men van ’t bbqfees nogmaals van herte bedanke veur häör biejdrage, jonges super bedank!!!!