't Kwekkerte nuujs vanne Boekoel!

Jubelejumprins ZDH ROEL I (Peeters)

Geplaatst op: 12-01-2014 door Björn Eggels

Roel Peeters jubelejumprins bie 6x11 jaorig CV De Kwekkerte Boekoel

Aafgeloupe zaoterdig waerde in eine boem volle Kwekkertepool Roel 1 ste geprezenteerd es 65ste prins vanne Kwekkerte. Es ein komplete verrassing kwaam der oet ein geweldige jubelejumtaart gesjprónge en ’t waas geliek duudelik det der der helemaol klaor veur waas om de ker te gaon trekke mitte vastelaovindj! Dit geit der doon same mit zien vriendin Ilse en dochtertje Yfke en zien 2 adjudanten aadprins Ton Simons en aad vader Aar Koen Maessen womit d’r same bie kaartklup ‘’Sjerp Gesjut’’ zit. En volgens os ouch allein mer óm nao de kroeg te kinne gaon mer óf der überhaupt ooit auch ech gekaart is weite ver nog altied neet…

Prins Roel 1ste zal dit jaor veurgaon mit zienne sjpreuk:

Veur gaon d'r veur!!

 

Vanaaf vastelaovind 2011 wone ze oppe Boekoel en nao dit sezoen zal ‘t allein nog mer baeter bevalle! Veur ’t geldkiske te sjpekke wirk der bie Océ in Venlo wo der een functie haet mit eine hele lestige naam en ein nog lestigere taak. Mer hae mot de cieferkes van versjillende Océ aafdeilingen rech sjtrieke veur ze nao de grote baas Canon gaon op de aafdeiling PPP Controlling. Ich bedoel maar..!

Es hobby haet der meziek gemaak bie kepotmaekerie, gevoetbald en getennis. mer ein ech succes waas ‘t allemaol neet. Vanaaf det der oppe Boekoel woont haet der waal een nuuj hobby! Tuinman! Omdet der väöl te väöl tuin haet..

Wilt ger zeen wie der draan geit kom den kómmende zaoterdig 18 janewarie nao ózze jubelejumaovindj mit o.a. ‘’Wir Sind Spitze’’

Wilt geur ózze prins ein hendje komme gaeve den zit geur bie deze van herte oetgeneudigd op zien eige Prinseresepsie op zonjig 23 fibberwarie vanaaf 14.44 oer.

't Winnende läötje van 't prins raoje is blauw, nummer 440. De pries is aaf te haole biej Tom Claessen, Baove Boekoel 36.

 

Vastelaovindj same,

CV De Kwekkerte Boekoel

Kaartverkoup jubelejumaovindj

Geplaatst op: 04-01-2014 door Björn Eggels

De leeje van CV de Kwekkerte merke det der get onduudelijkheid is euver de verkoup van de kaertjes veur 't jubelejumfees.

CV de Kwekkerte organiseert dit fees ter ere van 't 6x11 jaorig besjtaon van de vereniging. Helaas is der bie ein aantal luuj van Boekoel en omsjtreeke verwarring ontsjtange euver 't feit det eerder is gecommuniceerd, door de organisatie van 't LKZH, det 't unne afterparty zouw zin veur alle vriejwilligers die hubbe gewerk tiedens 't LKZH. Dit is echter neet zo en veur wille uch bie deze informere det de kaertjes veur dit fees gekoch kinne waere veur mer 2,50 Euro per sjtuk. Dit kin allein in de veurverkoup dus bun der sjnel bie!

Names CV de Kwekkerte ozze welgemeinde excuses veur 't ongemak en veur haope uch allemaol te zeen op 18 jannewari zodet veur same mit uch os jubelejum mooge viere!

Jubelejumaovindj

Geplaatst op: 18-11-2013 door Kim Vervoort

’t Eerste kaertje veur ózze jubelejumaovindj is aafgeloupe zaoterdig door Prins Sjoerd I verkòch aan Besjermvrouw Tila. Naodet heel get luuj ’n bedraag gebaoje haaje op ’t kaertje, booj Tila oeteindelik €66,- en daomit is zie de gelökkige eigenares gewaore van ’t allereerste entreekaertje.
Boete de €660,-  die geur kènt winne door uch es sjoonste te verkleije aan de handj van 't thema, maak geur ouch nag èns kans op twee anger prieze, €111,11 ter besjikking gesjteld door Benly en 'n kedobon ter waarde van €100,- te besteeje biej Albert Heijn in Zjwame.

D’r zin nag ’n deil kaertjes te koup, mer bön d’r sjnel biej want, vól is vól!